Xaliqti dizimge aliw hár on jilda ótkeriledi.

Xaliqti dizimge aliw hár on jilda ótkeriledi.

Mámleketimiz basshısı tárepinen «Xalıqtı dizimge alıw tuwrısında»gi Ózbekstan Respublikasınıń Nızamı tastiyqlang’an. Bul Nızam xalıqtı dizimge alıw salasındaǵı munasábetlerdi hár tárepleme tártipke saliwshi da’slepki qabil etilgen huqiqiy hújjet retinde Ózbekstan tariyxınan orın aldı. Sebebi usi waqıtqa shekem bul tarawda nızamshılıǵımızda hesh qanday hújjet joq edi. Nızam Ózbekstan Respublikası Prezidentiniń 2019 jıl 5 fevral daǵı «Ózbekstan Respublikasında xalıqtı dizimge alıwdı ótkeriw Kontseptsiyasın tastıyıqlaw tuwrısında»g’i Pármanına muwapıq islep shıǵıldı.Nızamdı islep shıǵıwda BMSh hám Evropa statistleri konferenciyasınıń xalıqtı dizimge alıwdı ótkeriw boyınsha tiykarǵı principlerı hám usınıslarınan’ tiykar retinde paydalanildi.Nızam bes bap hám otız bir statiyadan ibarat bolıp, onda Nızamnıń maqseti, tiykarǵı túsinikler, xalıqtı dizimge alıwdıń wazıypaları hám principleri kórsetip berilgen. Tiykarǵı principlerden biri, xalıqtı dizimge alıw on jılda keminde bir ret ótkeriliwi hámde xalıqtı dizimge alıwdı ótkeriw tuwrısındaǵı qarar Ózbekstan Respublikası Prezidenti tárepinen qabıl etiliwi belgilep qoyılǵan. Proceste shaxsqa tiyisli maǵlıwmatlar Ministrler Kabineti tárepinen tastıyıqlanatuǵın dizimge aliw blankalari tiykarında dizimge alıwshı shaxslar tárepinen úyme-úy júrip, hár bir respondent ushın bólek toldırıladı.