Qaraózek rayonı aymaǵında 2023-jıl 1-iyul halatına dizimnen ótken kishi karxanalar boyınsha statistikalıq MAǴLÍWMAT

Mámleketimizde ekonomikamızdıń negizgi kórsetkishlerinen bolǵan kishi biznes hám jeke isbilermenlikti rawajlandırıw puqaralardı isbilermenlikke keńnen tartıw olar ushın sharayatlar jaratıw, mikrofirma hám kishi kárxanalarda bántligi támiynlenbegen jaslardı jumıs penen támiynlew boyınsha rayonımızda keń kólemli jumıslar alıp barılmaqta.
2023-jıldıń 1-iyul halatına rayonımız aymaǵında jámi 1448 xojalıq júritiwishi subektler mámleketlik dizimge alınǵan bolıp, solardan kishi biznes subektleri 772 subektdi quraydı. Dizimge alınǵan kishi biznes subektlerinen hárekette turǵanı 590 subekt bolıp, sonnan
135 subekt jıl basınan jańadan ashılıp búgingi kúnde óz jumısların jolǵa qoyıp óz xızmetlerin xalqımızǵa usınbaqta. Jańadan ashılǵan isbilermenlik subektlerine mámleketimiz tárepinen berilip atırǵan jeńillikler, qolaylıqlar túsindirilip barılmaqta.